அனைவரையும் மரியாதையாக நடத்துதல்

துன்புறுத்தல் என்பது வாய்மொழியாகவோ அல்லது உடல் ரீதியாகவோ மேற்கொள்ளப்படலாம் மற்றும் அதில், சமூக ஊடகம் உட்பட, முறையற்ற விமர்சனங்கள், மின்னணு ரீதியாகப் பகிர்ந்து கொள்ளப்படும் படங்கள் அல்லது மற்ற விஷயங்கள் ஆகியவையும் உள்ளடங்கக்கூடும். Flex நிறுவனக் கொள்கையை மீறுவதற்கு இவற்றைப் பணியிடத்தில் தான் பகிர்ந்திருக்க வேண்டும் என்ற வரையறை இல்லை என்பதை நினைவில் கொள்ளுங்கள்.

எங்களுடைய பணியாளர்கள் தான் எங்களுடைய மிகவும் மதிப்புமிக்க சொத்தாக விளங்குகின்றனர் மற்றும் நாங்கள் ஒரு பாதுகாப்பான பணிச்சூழலை உருவாக்கித் தரும் பொருட்டு எங்களை அர்ப்பணித்துக் கொண்டுள்ளோம். அவ்வாறு ஒரு சூழலை உருவாக்கித் தருவதன் மூலமாக, பணியாற்றுவதற்கான மிகச் சிறந்த மற்றும் மிக அதிக ஆக்கத்திறன் கொண்ட வழிகளைக் கண்டறிவதில் நாங்கள் ஒருவருக்கொருவர் ஆதரவாக இருக்கிறோம். பாதுகாப்பாகப் பணியாற்றுவதற்கான நமது திறனைப் பாதிப்படையச் செய்யக்கூடிய, எந்தவொரு போதைப் பொருளின் ஆதிக்கத்தின் கீழும் நாம் ஒருபோதும் பணியாற்றக்கூடாது. குறைந்தபட்சம், நாம் பொருந்தக்கூடிய பணியிட ஆரோக்கியம் மற்றும் பாதுகாப்பு தொடர்பான அனைத்து தேவைகளுக்கும் எப்போதும் இணங்கி நடக்க வேண்டும் மற்றும் பணியிடத்தில் உள்ள தங்கும் இடத்தில், அல்லது Flex நிறுவனம் வழங்குகிற போக்குவரத்து வசதியில் ஏதேனும் பாதுகாப்பற்ற நிலைமைகள் இருந்தால் அது குறித்து எப்போதும் உடனடியாகத் தகவல் தெரிவிக்க வேண்டும்.